Premios Isaber Zendal 2026

Neste volume recóllense os traballos premiados na oitava edición, convocada en novembro de 2025 e resolta en maio de 2026, e que supuxo unha nova oportunidade para descubrir como as xeracións máis novas interpretan, cuestionan e reflexionan sobre a realidade que as rodea.
O certame, impulsado pola Universidade da Coruña, a través da Unidade de Divulgación Científica e Cultural, e en colaboración co
Círculo Escéptico e a Deputación da Coruña, está dirixido ao alumnado escolarizado en centros educativos españois desde o primeiro curso da educación secundaria obrigatoria (ESO) ata o segundo curso de bacharelato, de modo que consta de dúas categorías de participación: unha para o alumnado de 1.º a 3.º curso da ESO e FP básica; e outra para o alumnado de 4.º da ESO a 2.º de bacharelato e mais dos ciclos formativos de grao medio.